نہیں جناب یہ کوئی پشتو کا لفظ نہیں بلکہ ہندی کا ہے جس کا مطلب ہے مستقبل کا حال بتانا.
ہمارے ایک دور پار کے رشتے دار ہیں جن کے گھر میں صرف تین لوگ رہتے ہیں ایک آنٹی ایک ان کا بیٹا اور ایک ان کی بہو. خود اپر پورشن میں رہتے ہیں اور نیچے والا پورشن کرایے پر دیا ہوا ہے اور کرایہ دار کا نام ہے اسد.

ہوا کچھ یوں کے بیٹے صاحب کو سعودی عرب سے نوکری کی آفر آئی جس کے مطابق جناب کو تین سال وہاں رہنا تھا اب مسئلہ یہ تھا کہ امی سے اجازت کون لے خیر امی کو بتا دیا گیا اور اجازت کیا ملنی تھی بے چاری بہو کے ساتھ جو مکالمہ ہوا وہ میں یہاں لکھ رہا ہوں.
بہو: امی اِن کو جانے دیں اچھا ہے کچھ پیسے کما لیں گے.
آنٹی: نہیں بہو اگر یہ چلا گیا تو ہم دو بندے اکیلے کیا کریں گے ؟ دیکھو نا اگر بیٹا چلا گیا تو میں تو تمہیں اکیلا اس گھر میں نہیں چھوڑوں گی تمہیں تمہاری امی کے گھر بھیج دوں گی اور خود اپنی بیٹی کے گھر چلی جاؤں گی اور ہمارا کرایہ دار اسد ہمارے گھر پر قبضہ کر لے گا اور چھٹی.
یا پھر کل کو تمہارے ہاں بچہ ہوگیا اور تم اس کو گھر چھوڑ کر دودھ لینے گئی تو اسد اس کو اغوا کر کے لے جائے گا.
یا پھر ہم دونوں کہیں بازار جارہی ہوں اور رکشے والا مجھے نیچے پھینک کر تمہیں اغوا کر کے لے جائے تو.
یا پھر میری طبیعت خراب ہوگئی تو تم اکیلی مجھے کیسے سنبھالوگی اور میرا بلڈ پریشر بڑھ گیا تو میں مر جاؤں گی.
بہو: امی بس کریں میں اِن کو منع کر دوں گی.
شام کو بیٹے نے آکر امی کو کہہ دیا کہ امی آپ فکر نہ کریں میں نہیں جا رہا.
اگلے دن بہو نے ساس سے کہا کہ امی جانے دیں نا اِن کی تنخواہ ایک لاکھ نوے ہزار بنتی ہے ، جب آنٹی نے یہ سنا تو کہا اچھا چلو ٹھیک ہے پھر بیٹے سے کہنا کہ چلا جائے لیکن جب وہ چلا جائے گا تو میں تمہیں تمہاری امی کے گھر چھوڑ آؤں گی اور خود اپنی بیٹی کے گھر چلی جاؤں گی اور پھر اسد ہمارے گھر پر……………………… بہو نے بات کاٹتے ہوئے کہا امی بس کریں میں انہیں بتا دوں گی…. رات کو بیوی نے جب شوہر سے کہا کہ امی نے اجازت دے دی ہے تو اس نے فورا پوچھا کہ کہیں تم نے امی کو میری تنخواہ کے بارے میں تو نہیں بتا دیا تو بیوی نے کہا ہاں میں نے ایسا ہی کیا ہے تو اس نے کہا بس اب تو وہ مجھے بھج کے ہی چھوڑیں گی……..

میں سوچتا ہوں کہ آنٹی میں پوری طرح نجومی بننے کی صالاحیت پائی جاتی ہے اور بھوِشے وانی میں تو ان کا جواب نہیں. اور بے چارہ اسد ایسے ہی بیچ میں رگڑا گیا.